இலங்கை பாராளுமன்ற சபைத் தலைவரின் தைப்பொங்கல் வாழ்த்துச் செய்தி

இலங்கையிலும் உலகெங்கிலும் உள்ள தமிழ் சமூகத்தினர் அனைவரும் தைப்பொங்கலை மகிழ்ச்சியுடன் கொண்டாட ஒன்றுகூடும் இவ் வேளையில், உங்கள் அனைவருக்கும் நாடாளுமன்ற அவைத் தலைவர் என்ற வகையில் எனது அன்பான மற்றும் மனமார்ந்த தைப்பொங்கல் நல்வாழ்த்துக்களைத் தெரிவித்துக் கொள்கிறேன்.

அர்த்தமுள்ள அறுவடைத் திருநாளான தைப்பொங்கல், நன்றியுணர்வு, புத்தாக்கம், நம்பிக்கை மற்றும் ஒற்றுமை ஆகியவற்றின் உணர்வை வெளிப்படுத்துகிறது. நிலத்தின் மிகுதியைக் கொண்டாடி, அறுவடைக்கு பங்களிப்பவர்களின் அயராத முயற்சிகளை அங்கீகரிக்கும் அதே வேளையில், புதிய தொடக்கங்களின் வாக்குறுதியையும் நாங்கள் ஏற்றுக்கொள்கிறோம். ஆயிரம் ஆண்டுகளுக்கும் மேலான பாரம்பரியத்தைக் கொண்ட தைப் பொங்கல் பண்டிகை, இயற்கை, விவசாயம் மற்றும் நமது மக்களின் செழிப்பு ஆகியவற்றுக்கு இடையேயான ஆழமான பிணைப்பை வலுவாக நினைவூட்டுகிறது. இது, ஒரே தேசமாக ஒன்றுபட்டு, அனைவருக்கும் பிரகாசமான மற்றும் வளமான எதிர்காலத்தை உருவாக்க ஒன்றிணைந்து செயல்பட நம்மை அழைக்கிறது.

இந்த நன் நாளில், நமது அன்புக்குரிய தேசத்தின் அமைதி மற்றும் செழிப்புக்காக இணக்கமாகப் பணியாற்றுவதற்கான நமது கூட்டுப் பொறுப்பை மீண்டும் உறுதிப்படுத்துவோம்.

இந்த நாட்டின் குடிமக்களாகிய நாம், இந்த நாட்டை தூய்மையானதாகவும், வளமானதாகவும் உருவாக்கும் நோக்கில், இன நல்லிணக்கம், ஒற்றுமை மற்றும் அமைதியை ஆகியவற்றை ஊக்குவிக்கும் நோக்கில் இந்தப் பண்டிகையைப் பயன்படுத்திக்கொள்வோம்.

நாம் ஒரு புதிய பயணத்தைத் தொடங்கும்போது, 2025 ஆம் ஆண்டின் முதல் பண்டிகையாக இந்தப் பொங்கல் பண்டிகை வந்துள்ளது, இத் தைப்பொங்கலானது இந்த ஆண்டு முழுவதும் அனைவருக்கும் புதுப்பிக்கப்பட்ட நம்பிக்கை, செழிப்பு மற்றும் மகிழ்ச்சிக்கான அடித்தளத்தை அமைக்கட்டும் என்று மனதார வாழ்த்துகிறேன்.

அனைவருக்கும் மகிழ்ச்சியான, வளமான மற்றும் அர்த்தமுள்ள தைப் பொங்கல் நல்வாழ்த்துக்கள்!

சபைத் தலைவர்

இலங்கை நாடாளுமன்றம்