සභානායකතුමාගේ තෛපොන්ගල් දින පණිවිඩය
ප‍්‍රීතිමත් තෛපොන්ගල් සැමරුමක් වෙනුවෙන් ශ්රී ලංකා පාර්ලිමේන්තුවේ සභානායකවරයා වශයෙන් මම ශ්රී ලාංකීය මෙන්ම ලොව පුරා ජීවත්වන දමිළ ප‍්‍රජාවටද මාගේ හෘදයාංගම සුබපැතුම් එක්කර සිටිමි.
අර්ථාන්විත සැමරුමක් වන තෛයිපොන්ගල් අස්වනු මංගල්‍යය කෘතවේදීත්වය, නව ආරම්භයන්, සුබවාදීත්වය හා එකමුතු බව සංකේතවත් කරයි. භූමියේ සරුසාරබවත් එය අස්වැද්දීමට දායකවූවන්ගේ ශ‍්‍රමයේ වටිනාකමත් සමරන මේ අවස්ථාවේ නැවුම් ආරම්භයන් පිළිබඳ අපේක්ෂාවන් ද අප වැළඳගනී. තෛපොන්ගල් සමරුම ස්වභාවධර්මයත්, කෘෂිකර්මාන්තයත්, අපගේ ජනතාවගේ සමෘද්ධියත් අතර ඇති ඉතා ගැඹුරු සබඳතාවය ස්මරණය කරන ඉතා වැදගත් අවස්ථාවකි. ජාතියක් වශයෙන් එකමුතු වී සියලූ දෙනාට සමෘද්ධිමත් හා වඩා දීප්තිමත් අනාගතයක් ගොඩනැගීමට මෙම අවස්ථාව අපට ඇරයුම් කරයි.
මෙම සුවිශේෂී දිනයේදී අපගේ ආදරණීය මවුබිමෙහි සාමය හා සෞභාග්‍යය වෙනුවෙන් සාමූහික වගකීමෙන් යුතුව එකාවන්ව වැඩ කිරීමට අප සැම අධිෂ්ඨාන කරගනිමු.
තවද අප රට පිරිසිදු හා සෞභාග්‍යමත් රජ්‍යයක් බවට පත් කිරීම සඳහා පුරවැසියන් වශයෙන් ජාතිකත්වයන් අතර සහජීවනය, සංහිඳියාව හා සාමය ප‍්‍රවර්ධනය කිරීමට ද අපි මෙම උත්සවය අවස්ථාවක් කරගනිමු.
අප නැවුම් මාවතක් ඔස්සේ ගමන් කරන මෙම අවස්ථාවේ 2025 වර්ෂයේ එළඹෙන ප‍්‍රථම උත්සව සමය වශයෙන් මෙම තෛපොන්ගල් උත්සවය සියලූදෙනාගේ නව අපේක්ෂාවන්, සමෘධිය හා සතුට වෙනුවෙන් පදනමක් වනු ඇතැයි මම අපේක්ෂා කරමි.
ප‍්‍රීතිමත්, සෞභාග්‍යමත්, අර්ථාන්විත තෛපොන්ගල් සැමරුමක් වෙනුවෙන් සුබපැතුම්!
සභානායක
ශ්රී ලංකා පාර්ලිමේන්තුව
